【粉岭食乜好】它来自澳门 逾半世纪怀旧糖水店 忘不了的

  2020-06-13  阅读 331 views 次 点赞数223
(Presented by 杏香园)

 

香港人锺意过澳门瓹窿瓹罅寻找隐世地道美食,而始于1965年嘅澳门糖水老字号「杏香园」,多年来以怀旧地道、真材实料、讲究工夫嘅粤式糖水闻名。近年品牌更加进驻香港各区,等大家唔使过大海都可以品尝到澳门人、游客同各路名人,食过都讚好嘅民间美食。

 

 

镇店招牌糖水三部曲

今次就介绍粉岭分店,逐款试下佢哋嘅招牌糖水:蛋白杏仁汤圆、莲子白果马蹄沙、椰汁杏仁合桃糊,同埋大大只裹蒸粽啦!「杏香园」每款糖水都坚持唔加工,并且每个步骤都以全人手製作,等客人食出传统糖水特有嘅甜美同温暖。

 

【粉岭食乜好】它来自澳门  逾半世纪怀旧糖水店   忘不了的
「蛋白杏仁汤圆」每日生磨杏仁成粉后,加入糖水、米浆煮滚后再落蛋白,质地浓稠得嚟又幼滑顺喉,入口有浓郁杏仁香,加上蛋白营造出多重口感。白芝麻汤圆更係每日自家包製,高峰期可日售1,500粒,推介必试!

 

【粉岭食乜好】它来自澳门  逾半世纪怀旧糖水店   忘不了的
「莲子白果马蹄沙」喺香港好少有机会食到马蹄沙!每日将新鲜马蹄搅碎后加入粟粉开浆落糖,再放入白果同莲子煲煮5小时,成为一碗味道清甜爽弹,口感介乎啫喱同糊之间,又清热解毒嘅养颜甜品,强势推介!

 

【粉岭食乜好】它来自澳门  逾半世纪怀旧糖水店   忘不了的
「椰汁杏仁合桃糊」选用优质黄金合桃同去衣杏仁粒,分别搅碎煮成厚稠糊状,果仁味十分浓郁,最后仲洒上椰汁增甜提香,加上杏仁清润养颜、合桃健脑补肾,真係任何年纪都啱食呀!

 

【粉岭食乜好】它来自澳门  逾半世纪怀旧糖水店   忘不了的
「莲子百合红豆沙」 每日人手鲜磨红豆,再煲煮4小时营造起沙口感。成碗红豆沙散发出甘甜红豆香,而且蕴含铁质同多种维生素,加入清润嘅莲子和百合,最啱爱美又追求健康嘅女士们食用。

 

【粉岭食乜好】它来自澳门  逾半世纪怀旧糖水店   忘不了的
「桂花莲子百合桃胶」选用新鲜桂花、莲子、百合、桃胶,一齐煲製长达10小时。清甜滋润又营养价值高,都係我哋试食专员其中一款心水推介,就算食多两碗都无问题!

 

除咗有传统糖水外,呢度仲有唔少创意甜品同轻怡简餐。传统糖水有椰汁龙眼马蹄沙、椰汁西米喳咋、夏威夷木瓜雪耳同腐竹鸡蛋糖水等。创意甜品包括吕宋芒果班戟、椰汁西米龙眼雪糕同芒果雪耳等,多达六十几种款式。

 

【粉岭食乜好】它来自澳门  逾半世纪怀旧糖水店   忘不了的
「瑶柱金腿双蛋裹蒸粽」係店内另一镇店招牌,唔单止用料丰富、选材矜贵,遇啱肚饿或者三五知己,记得叫返份嚟开心Share呀!

 

【粉岭食乜好】它来自澳门  逾半世纪怀旧糖水店   忘不了的
品牌为打开追求健康人士市场,近期更特别加入超级食物羽衣甘蓝(2个品种),製作「羽衣甘蓝手撕鸡沙律」、「羽衣甘蓝菜汁」 同「羽衣甘蓝菜肉饺」 等高纤、高营、低卡嘅轻怡美食。

 

【粉岭食乜好】它来自澳门  逾半世纪怀旧糖水店   忘不了的
粉岭店装潢风格和澳门总店同出一辙,怀旧得嚟又有人情味。

 

【粉岭食乜好】它来自澳门  逾半世纪怀旧糖水店   忘不了的
闻名不如试味,一于约埋另一半、屋企人同老友,嚟粉岭「杏香园」逐一品尝啦!

 

杏香园(粉岭店)

地址:粉岭联和墟联兴街31号地下

电话:2602 3456

营业时间 :11am-12am

旺角​、​太古​、​九龙城​均有分店

上一篇: 下一篇:
相关文章